AKA PACHA MAYJT'AÑAPATAKIIRNAQAWINAKA SAYT'AYAPXAÑANI

Sapa marawa $ 800 billon sata qullqinakaxa militaranakatkikiwa apnaqasixa, ukatsti $ 20 billonatsa juk'akiwa wali wakisiri sarnaqawisatakixa apnaqasiski. Janiwa suma q'uma umatakisa, qullasiñatakisa, k'umara sarnaqasiñatakisa, wali suma utjasiñatakisa qullqixa utjkiti.

Jichhasti, taqi aka pachanxa warminakaxa irnaqawinaka paya sayt'ayañatakiwa matthapipxañani.

Uka Huelga sata irnaqawinakaxa sayt'ayañaxa 08 uru Marzu phaxsinwa apasini, uka 2001 marana.

Uka uruxa warminakana taqi aka pachana urunakapawa.

• Warminakana sarnaqawinakapa irnaqawinakapaxa TAQI PACHANA yaqatañapawa.
• Jani qullqixa payata, jani kunasa irnaqawinakapata cuarta, ukatsti kunaymana walja irnaqawinaka churañanakaxa chhaqtatañapawa.

Aka 8 uru Marsu phaxsi saraqatanxa, uka 2001 maranxa, warminakasa imilla wawanakasa walwa sayt'asipxani TAQI JAKAWINAKAXA SUMA APNAQATAÑAPAWA TAQI JAKIRINAKA LAYKU, janiwa jiwañaru, t'unanukuñaruxa apnaqapxañapakiti, maya qhawqha juk'aniki qullqiniptapxañapatakikixa.

WARMINAKAMPI IMILLA WAWANAKAMPIXA AKA PACHANXA NIYA CHIKATPACHA IRNAQIRIPXTANWA.

5% qullqi yanasitatxa, niya chikatpacha irnaqawiwa qullqi jani payataxa.

	Taqi aka pachanwa uka Organización Mundial de Comercio saturu, Fondo Monetario, ukata Banco Mundial satanaka kuñrawa jaqinakaxa sayt'asipxi , jupanakaxa taqi wakisirinakatjama turkakipt'asiñapawa sasawa mayt'asipxi aka pachanxa janiwa warminpi phiskasiñasa, jaqi masiru jani yaqañasa, wila masisa ch'iqanuqañasatjañapakiti, Aka pachanxa jaqinaka suma chiqapa utjasiñapatakixa kunati wakiski ukanakawa utjañapaxa, uka jach'a empresanaka kunaymana munañapa lurasipki uka lantixa.
	Warminakampi imilla wawanakampixa uka taypinxa wali sayt'asipxañasawa.
	Jiwasawa suma chiqapa jakañxa irnaqapxtana, jiwasawa taqi aka pacharuxa manq'sa churapxtana sumsa uywapxtana. Ukatsti, uka irnaqawixa q'ala iraqata aynacht'ayatawa. "chiqapa irnaqañaxa" Global sata qhatutakiwa. Warminakampi phiskasiñanaka, jaytanukuñatakixa, chachanakampi chika sayt'asiñatakiwa lurawinaka uñstayanipxi, kunaymana irnaqawinaka yapt'anipxi. Wali yapt'ata irnaqatasaxa empresanaka qamiriptaña munañaparuwa yanapt'aski, jupanakaxa janiwa wawa ñuñuyañsa munakiti, kunaymana jaqi satanakwa uñstayanipxi jiwasaru turkakipañataki, jiwasaru turkakipañataki, jiwasaru irnaqañana t'aqhisiyañatakixaukhamatwa taqi aka pacha jakawinaka chhaqtayaña munapxi. Taqi jaqinaka uywañaxa warminakana imilla wawanakana, ukhamaraki chachanakana yuqalla wawanakanxa, wali yaqata, wali yanapita, ukatxa wali yanapita, ukatxa wali qullqisa churatañapawa. Wawa sullsuñaxa chiqapaskiwa , ukatsti wali yaqatañapawa qhawqha wawanaksti wawachasiña munapkta ukaxa, ukatsti wawanakasaruxa sumwa ñuñuyapxañasa, jupa chikapxañasawa wali suma uywañataki munas iñasatakixa. Kikipa ukjapura qullqi yanasiñaxa taqi aka pachankañapawa.
	Jach'a markanakansa jisk'a markanakansa warminakampi imilla wawanakampixa irnaqaña sayt'ayawiruwa sarapxatayna. Africa markanxa warminakaxa uraqi jupanakankañapwa. Mayipxatayna, suma warminaka chiqaparu uñjatañape, ukatsti wawaru ñuñuyañataki samart'awi payatañapwa mayipxatayna.
	Irlanda markanxa, warmina maya uru uruyt'asiñapa payatañapwa mayipxatayna.
	Walja markanakatwa fotonakapa janirara apayanipkiti, ukatsti akaskiwa maya qhawqha fotonaka katuqataxa. Payday .- chachanakana qanapawa - jupanakawa chachanakana yanat'awipa apnaqasipki - imilla wawanaka uywasipki, nina phayasipki, ukatsti yaqha irnaqawinakampwa lurasipkixa.

 TAQI AKA PACHANXA WARMINAKAXA SAYT'AYAWIPANXA AKANAKWA MAYIPXI

	Taqi irnaqañasa, wawaka uywañanakasa qullqimpi payatañapawa.
	¿Kunasa wali wakisirixa, wawanakampi jaqha jaqinakampi uywaña lantitxa?.
	Taqi irnaqawinxa ukhapura qullqiwa payasiñapa, chacharusa warmirusa, aka Mercado global santanxa.
	Yaqha jach'a markanakata qullqi mayt'asitaxa chhaqtayataxapañawa, ukaxa warminakaruwa wali atxattixa. Jiwasanakaruxa juk'ampi manuwa, jiwasanaka qullqi mayt'asita sipansa.
	Suma q'uma umawa utjañapa, ukatsti tecnología astaza janiwa aka pachuru tukjañapakiti- taqiniwa nina phayasiñsa, isi t'axsañanaksa yaqha makinanaksa munapxtanxa ...
	Wawa wawachasita qhiparu samart'awixa payatañapawa, wawaru ñuñt'ayañataki samart'awisa payatañapawa janiwa warminakaxa karsilankañapakiti.
	Utanakasa transporte astaza utjañapawa, ukatsti janiwa sinti qullqitakiñapakiti.
	Warminakaxa taqi jani walt'awinakata jark'atañapawa, kamisati uta manqhansa, yaqha chiqansa.