Fanm ak timoun fè 2/3 travay lemonn, men se 5% lajan sèlman yo genyen. 
Lè fanm yo pa travaye, tout bagay rete.

Ann fè lemonn rete pou n chanje l! Patisipe nan

GRÈV MONDYAL
FANM LA

8 mas 2000

Pou yon milènè ki wè travay tout fanm ak lavi tout fanm kòm bagay ki vreman enpòtan.

Anpil fanm peyi Iland deside fè lagrèv epi anpil fanm patou sou latè reponn yo ak vwa fò.

Tandike lemonn depanse 700 miya dola pou operasyon militè chak ane, mwens pase 20 miya dola ale pou ede peye bagay fondamantal lasosyete (tankou aksè dlo pwòp, lasante, enstalasyon lasante ak edikasyon)! Lè ou fè konparizon sak rich yo genyen ak sak pov yo genyen, sa parèt yon estatistik byen lèd, epi l ap kontinye pire. Si ou mete richès twa fanmi lemonn yo ki pi rich, ou tap soti ak plis kòb pase sak 600 milyon moun ki rete nan peyi pi pov genyen. 1/3 nan pèp la depann sou resous bwa. Se fanm ak timoun ki ranmase bwa yo konn itilize kòm materyo pou dife.

Nan kontinan Lafrik, se fanm ak tifi ki kiltive 80% manje yo manje la a. Nan kontinan Azi yon pakèt fanm ak tifi fè plis pase senkèd tan ap ranmase bwa. Nan Ameriklatin epi nan Karayib toulede, 25% nan popilasyon an e pafwa 90% moun endijèn (ki te la avan kolonizasyon) pa gen dlo pwòp. Nan peyi ki devlope, fanm yo ki travaye legalman pa touche menm 50% sak gason yo touche.

Kontribisyon travay fanm ki fèt nan move kondisyon rive omwen 11 trilyon (11,000,000,000,000) dola. Lasosyete epitou menm mache mondyal la patap fonksyonne konsa san travay sa a nan kay la, nan chan yo, nan komès lafanmi, nan kote anbachal, nan katye, epi nan lavil yo ak bouk yo. Fanm yo konn travaye plis ni nan djòb tradisyonnèl ni nan djòb ki pa tradisyonnèl. Menmsi fanm yo gen yon karyè lavi, y ap toujou vin anfas ak konfli. Olyede pranswen timoun yo, yo gen pou al travaye toutan. Epitou fòk yo pa kwaze kont dominans òm yo tou nan anpil ka. Mesè, nou byen merite pa travaye jouska douvanjou konsa epitou fòk toulemonn rekonèt kokenn kontribisyon ke nou fè. Gen yon pakèt jan nou kapab rive genyen lajan nou merite a.

Kèk jan nou ka chanje sistèm nan pou fanm yo ki dwe gen lajan ka vin pran li atò:
  • Efase dèt la ki enpoze sou peyi pi pov. Tan fanm yo travaye moute, tout sa akòzde FMI (Ògànizasyon ki prete lajan bay peyi lemonn), epi sa pou kont li konpli plis pase valè dèt la. Kijan ou ka di ke kèk "prèt" ki la depi sèlman kèk dizèn ka egale ak dèt 500 ane vyolasyon ak pilaj kolònyal?
  • Fè l posib pou fanm pov ka aksede dlo pwòp ak tèknoloji ekolojik ki pa move pou anviwonnman an. Nan chak kay, nou tou merite posede frijidè, kizinyè, machin pou lave rad, òdinatè... Menmsi nou pov nou gen menm bezwen ak tout moun.
  • Bati kay epi sistèm transpò pou n ka itilize san nou pa peye kè nou pou yo.
  • Ban nou pwoteksyon kont vyolans, nenpòt kote li ka vin fèt, ni lakay ni lari...
  • Peye nou menmjan egalego avek gason pou travay nou fè a.
  • Ban nou ase lajan pou nou ka pranswen lòt moun, swa se fanmi, swa se pa fanmi. Eske gen yon travay pi enpòtan pase leve timoun oubyen pranswen lòt moun?
  • Ban nou konje matènite peye epitou jou nou pa bezwen travay pou rekonèt lòt travay nou fè ki pa gen yon valè ou ka mezire, olye de pini nou paske nou se fanm.

Pase mesaj sa a bay tout fanmi ou ak tou zanmi, òganizasyon, sendika, ak gwoup ou konnen. Fè tèt nou prèt, epi sèvi ak telefòn, E-mel, telekopi, tousa pou fè moun konnen epi kenbe kontak avèk nou. Voye ban nou rezon pou patisipe nan grèv la, di nou sa ou pral fè epitou ban nou adrès moun ki rete menm kote avè ou.

Home 200